طريقة عمل كيكه الوطن المحروق

طريقة عمل كيكه الوطن المحروق

المقادير

1-وطن يكون كبير مكون من شعب+حكومه+معارضه
2-ازمه ثقه عامه
3-اعلام فاسد ومنافق
4-غياب القدوة والاخلاق
5-شويه دعاة جدد+شويه دعاة متشددين
6- انترنت يكون 256 عا الاقل
7- فقر مدقع معتق فصوص


طريقه العمل

نجيب الوطن ونفردة ونرش عليه الشعب وناخد شويه معارضه نلخبطهم ونخلى
جزء من المعارضه علشان نحمصه ونستعمله فى التزين
نوزع ازمه الثقه فى الاركان
نحط القدوة والاخلاق بعد ما نحرقهم وياخدو اللون البنى الغامق
كام تصريح من دعاة جدد نقطعهم فى النصف من نوعيه
مش مهم حجاب المهم النيه مش مهم الصلاة المهم العمل
بعد مانخلط الخليط نحط عليه فصوص الفقر المدقع ونوضع الكل فى صنيه التشدد الاعمىوندخل الصنيه الى الانترنت10ايام على حرارة 256 ثم نرفع السرعه الى 1 جيجاونرش شويه المعارضه المحمصه عالوش للتزين
وخلاص كدا

فى خلال شهور تكون الطبخه استوت

نقعد نبكى على ما حدث للوطن ونحن نلوك بافوهنا ما ساعدنا
فى صنعه اقصد حرقه