الثورَة المُضَادَة
جه منين مصطلح ... ثورة مضادة ؟
ضد مين ؟ .. وضد إيه ؟.. وضد ليه ؟
والمضادة .. عاوزه إيه ؟
اللي افهموا كلمة مضادة ...
يعني حاجة واقفة جامدة وواقفة صَاده
يعنى حاجز بين حياتي .. وبين مماتي
وكلمة شاردة
يعنى نرجع للورا
للخلف دور .. متفرقين
مش أمة واحدة
مين يجيله قلب .. ياخد قلب بلدي ..
يرجعه لدنيا فاسدة
مين يقول الضلمه ترجع تاني
وكفاية ع الفجر النهارده
يعنى نرجع نجمع أشواكنا بإيدينا ..
ونقتل جوانا كل وردة
يعنى ناكل حق بعض .. ناس تموت
وناس تعيش ... قلوبها جامدة
فهمونى .. يعنى إيه ثورة مضادة ؟
..........................................
أسْمَع الكلمة دي أقول مستحيل
المضادة عاوزه تسرق حق جيل
ضحي بحياته .. وقال يعيش بلدي الجميل
أرضها ترجع لها .. ويِخْضَر من تاني النجيل
وزرعها يِمِدْ لفوق وسط النجوم في السما العالية يميل
تيجي المضادة تقول .. مفيش زرع .. مفيش طرح ..
مفيش نجوم .. مفيش نهار .. كله سواد .. كله ليل
...................................................................
هما اللي ماتوا .. كان عشان يتكتب مكان الاسم حي ..
اسم الشهيد ؟
وألا إدوا أعمارهم فدا ؟
عشان كلنا نرجع نعيش من جديد ؟ !!!
الدم لسه يا دوب بيجري من عروقهم في عروقنا
من الوريد للوريد
كان كل أحلامهم نعيش .. و يسيبوا لنا الثورة فجر
نورها خلي الدنيا عيد
الشمس تطلع كل يوم .. تملا أحلامنا دفا
والخير يا بلادنا يزيد
تيجي دلوقتي المضادة تقول كفاية ...
ارجعوا ... خلوا أحلامكم علي أَدِكُم
حلمكم كان كبير ... كان بعيد
................................................
مستحيل ... مستحيل ... مستحيل
المضادة مش هتسرق عمري تاني
المضادة مش هتاخد مننا أجمل أماني
نبقي أصحاب البلد بالعمل والمحبة والتفاني
المضادة مش هتاخد مني مستقبل ولادي
ارجع مغفل .. او عبيط .. عقلي مقفول .. ما تفتحش
زي ما كنت اسمع كلامهم .. والغي عقلي
أمشي جنب الحيط أخاف ظلم و للا سجن و للا بطش
الزمن عدي وفات ... هأفضل مصحصح
المضادة لازم تِمُوت ... ويشيلوها جوه نعش
.................................................................
اللي صحي الحلم دا .... يقدر يرجع ألف حلم
والميدان .. لو نسيتوا .. لسه صاحي .. ما تقفلش
مفيش ميدان تاني بداله ... و ما تخلقش
هَأمْسِك الثورة بايدى ...
ودم الشهيد اللى ف وريدى
دمه .. بينبض ما تخنقش
أيوة .. بينبض ما تخنقش
شعر : د هاني ابوالفتوح
ابوظبي - في الثلاثاء 29 مارس 2011
جه منين مصطلح ... ثورة مضادة ؟
ضد مين ؟ .. وضد إيه ؟.. وضد ليه ؟
والمضادة .. عاوزه إيه ؟
اللي افهموا كلمة مضادة ...
يعني حاجة واقفة جامدة وواقفة صَاده
يعنى حاجز بين حياتي .. وبين مماتي
وكلمة شاردة
يعنى نرجع للورا
للخلف دور .. متفرقين
مش أمة واحدة
مين يجيله قلب .. ياخد قلب بلدي ..
يرجعه لدنيا فاسدة
مين يقول الضلمه ترجع تاني
وكفاية ع الفجر النهارده
يعنى نرجع نجمع أشواكنا بإيدينا ..
ونقتل جوانا كل وردة
يعنى ناكل حق بعض .. ناس تموت
وناس تعيش ... قلوبها جامدة
فهمونى .. يعنى إيه ثورة مضادة ؟
..........................................
أسْمَع الكلمة دي أقول مستحيل
المضادة عاوزه تسرق حق جيل
ضحي بحياته .. وقال يعيش بلدي الجميل
أرضها ترجع لها .. ويِخْضَر من تاني النجيل
وزرعها يِمِدْ لفوق وسط النجوم في السما العالية يميل
تيجي المضادة تقول .. مفيش زرع .. مفيش طرح ..
مفيش نجوم .. مفيش نهار .. كله سواد .. كله ليل
...................................................................
هما اللي ماتوا .. كان عشان يتكتب مكان الاسم حي ..
اسم الشهيد ؟
وألا إدوا أعمارهم فدا ؟
عشان كلنا نرجع نعيش من جديد ؟ !!!
الدم لسه يا دوب بيجري من عروقهم في عروقنا
من الوريد للوريد
كان كل أحلامهم نعيش .. و يسيبوا لنا الثورة فجر
نورها خلي الدنيا عيد
الشمس تطلع كل يوم .. تملا أحلامنا دفا
والخير يا بلادنا يزيد
تيجي دلوقتي المضادة تقول كفاية ...
ارجعوا ... خلوا أحلامكم علي أَدِكُم
حلمكم كان كبير ... كان بعيد
................................................
مستحيل ... مستحيل ... مستحيل
المضادة مش هتسرق عمري تاني
المضادة مش هتاخد مننا أجمل أماني
نبقي أصحاب البلد بالعمل والمحبة والتفاني
المضادة مش هتاخد مني مستقبل ولادي
ارجع مغفل .. او عبيط .. عقلي مقفول .. ما تفتحش
زي ما كنت اسمع كلامهم .. والغي عقلي
أمشي جنب الحيط أخاف ظلم و للا سجن و للا بطش
الزمن عدي وفات ... هأفضل مصحصح
المضادة لازم تِمُوت ... ويشيلوها جوه نعش
.................................................................
اللي صحي الحلم دا .... يقدر يرجع ألف حلم
والميدان .. لو نسيتوا .. لسه صاحي .. ما تقفلش
مفيش ميدان تاني بداله ... و ما تخلقش
هَأمْسِك الثورة بايدى ...
ودم الشهيد اللى ف وريدى
دمه .. بينبض ما تخنقش
أيوة .. بينبض ما تخنقش
شعر : د هاني ابوالفتوح
ابوظبي - في الثلاثاء 29 مارس 2011
