تخيلوا معى ....................
1- فتاه ترتدي مايوه وتجلس به فى بلكونة منزلها
2- فتاه اخرى ترتدي مايوه يشبهه على احد شواطئ مارينا
3- فتاه اخرى ترتدي مايوه مشابه فى حمام السباحة الاوليمبى فى احدى المسابقات او فى مسابقة جمباز
4- فتاه رابعة ترتدي مايوه مشابه فى كليب يذاع حصريا على مزيكا زووم
5- المايوه نفسه ترتديه نحيه كاريوكا و تظهر به فى احد الافلام القديمة
من فضلكم تأملوا الفتيات الخمس بالمايوهات (وشيلوا ذنوب وانا هاشيل معاكم ..... مش انا الى قولتلكم تخيلوا) ثم اصدروا حكمكم على كل واحده منهن
عارفة الاجابات اللى وصلتم ليها ......مانا زيكم انتمى لمجتمع يعانى من الشيزوفرنيا و يحتاج الى جلسات علاج بالصدمات الكهربائية
الفتاه الاولى ... فتاه منحلة
القتاه الثانية ... حرة في مجتمع حر من حقها ان ترتدي المايوه على البلاج وهى غير مسئولة عن اصحاب الخيالات
المريضة الذين يجلسون على البلاج وهم يتأملون مفاتنها
الفتاه الثالثة ... بطلة رياضية من الممكن ان ترفع اسم مصر عاليا و تمثلها (بالمايوه) فى المحافل الدولية واننا جميعا لفخورين بها
الفتاه الرابعة ... من بطلات كليبات العرى و هى واحدة من اللواتى افسدن الغناء في مصر و هى نموذج للفنانة الخليعه
اما الخامسة ... (تحية كاريوكا) فهى فنانة عظيمة اثرت في الفن المصرى و اضفت على المايوه عراقة واصالة (اكتر من اللى انا بحلم بيه)
تعددت النظرات والمايوه واحد في مجتمع ضميره مطاطى يستوعب المايوه بشروط ويرفضه بضغوط ... فهو يراه على واحدة منتهى الخلاعة ويراه على اخرى فنا .... يراه على البلاج حرية وفى بلكونة المنزل انحلالا وفى الصالة المغطاة رياضة
المجتمع ده عبييط ولا ايه ؟؟؟؟؟؟؟؟؟؟؟؟
