النهاردة جايبالكم مقادير اكلة لذيذة
عرق الروستو بالخضراوات
[ندعوك للتسجيل في المنتدى أو التعريف بنفسك لمعاينة هذه الصورة]
عرق الروستو بالخضراوات
[ندعوك للتسجيل في المنتدى أو التعريف بنفسك لمعاينة هذه الصورة]
المقادير:
عرق بتلو
2 ملعقة كبيرة سمن
ملح وفلفل وبهارات
8 فصوص ثوم أو حسب حجم العِرق
خضراوات مشكّلة (بطاطس - بصل - جزر - فلفل ألوان)
طريقة العمل
1 - خرّمي العِرق بطرف السكينة على مسافات متباعدة،
واغرزي في كل خرم فص ثوم.
2 - تَبّلي العِرق بالملح والفلفل والبهارات وحطي أي توابل
أو إضافات إنتِ تحبيها، ولفّي العِرْق بالخيط كويس أوي،
وسيبيه 3 ساعات في التتبيلة.
3 - سيّحي الزبدة في صينية، وشوّحي فيها العِرق من كل
الجوانب لحدّ ما يحمرّ.
4 - في الوقت ده حضّري الخضار وقطعيه بأشكال طولية
أو عرضية، ورشي عليه الملح والفلفل الأسود والبهارات
والزعتر وشوية زيت.
5 - حطي الخضار على العِرق ولفي الصينية بورق الفويل،
ودخّليها الفرن على درجة حرارة عالية.
6 - اختبري العرق بإنك تغرسي فيه السكين، ولو خرجت مبلولة
يبقى لسه ماستوتش، ولو ناشفة يبقى كده استوت.
7- بعد ما العِرق يستوي ارفعيه من الصوص، وسيبيه لحدّ
ما يبرد، وقطّعي شرائح متوسطة السُمك، ورصّيها في طبق
التقديم مع الخضار المشكل.
8 - عند التقديم سخّني الصوص، وصبّيه على شرائح اللحم.
وبالهنا والشفا
